GALICIA E OS PRODUTOS DE ULTRAMAR

Pataca, millo e pemento chegaron de América e acabaron incorporándose á cociña galega ata converterse en parte da súa identidade. A relación entre Galicia e as cociñas de ultramar non terminou aí. A emigración tamén trouxo novas técnicas, produtos e formas de cociñar que foron incorporándose aos poucos á nosa cociña. Unha viaxe de ida e volta que segue tendo pegada na nosa gastronomía e que inspira As Cociñas de Ultramar, o tema central de Galicia Fórum Gastronómico 2027.